თორნიკე შენგელია მოსკოვის ცსკა-ში ითამაშებს
საქართველოს კალათბურთელთა ნაკრების ლიდერი, თორნიკე შენგელია მოსკოვის ცსკა-ს კალათბურთელი გახდა. ქართველმა სპორტსმენმა რუსულ კლუბთან სამწლიანი კონტრაქტი გააფორმა.
ინფორმაციას ბერძნული მედია სათაურით - "ზაფხულის ბომბი აფეთქდა, შენგელია ცსკა-ში ითამაშებს" ავრცელებს.
Έσκασε η... βόμβα του καλοκαιριού, «έκλεισε» στην ΤΣΣΚΑ ο Σενγκέλια! https://t.co/1GEhz2rEps
— sdna.gr (@Sdna_gr) June 15, 2020
თოკოს "ბასკონიასთან" კონტრაქტი 2022 წლამდე აკავშირებდა, მაგრამ მოსკოვურმა კლუბმა მისი ხელშეკრულება 1.5 მილიონ ევროდ გამოისყიდა.
2019-20 წლების ევროლიგაში შენგელიას საშუალო მაჩვენებელი ასეთია: 15,9 ქულა, 5,6 მოხსნა და 2,9 პასი.
28 წლის შენგელია 2012-14 წლებში NBA-ში გამოდიოდა. საქართველოს ეროვნული ნაკრების წევრი ''ბრუკლინისა'' და ''ჩიკაგოს'' მოთამაშე იყო. 2014 წლიდან შენგელია ბასკური კლუბის ღირსებას იცავდა.
შეგახსენებთ, თორნიკე შემგელიამდე მოსკოვურ კლუბში მანუჩარ მარკოიშვილიც ასპარეზობდა. "მანუ" ცსკა-ს ღირსებას 2014/15 წლებში იცავდა.