ბარსა და იუვე 1/8 ფინალებს სახლში ითამაშებენ? - უეფა-ს ვარიანტები
მიუხედავად იმისა, რომ ჩემპიონთა ლიგის ფლეი-ოფების ერთ ქალაქში გამართვა იგეგმება, დიდი შანსია, 1/8 ფინალის განმეორებითი მატჩები “ბარსელონამ“ და „იუვენტუსმა“ მაინც საკუთარ არენებზე ჩაატარონ.
სხვადასხვა ევროპული გამოცემების, მათ შორის: Sky Sport Italia-სა და Bild-ის ინფორმაციით, ბარსელონა და ტურინი 1/8 ფინალურ შეხვედრებს უმასპინძლებენ, 1/4 ფინალური ეტაპიდან კი ტურნირის ყველა დაპირისპირება ერთ ლოკაციაზე გაიმართება.
1/4 ფინალებიდან ანალოგიური ფორმატი განიხილება ევროპა ლიგის შემთხვევაშიც, მასპინძელი კი, სავარაუდოდ, გერმანიის ერთ-ერთი ქალაქი იქნება, ქალთა ჩემპიონთა ლიგის მასპინძლად ესპანეთის ერთ-ერთი ქალაქი მოიაზრება, ხოლო უეფა-ს სუპერ თასის ჩატარება უნგრეთის დედაქალაქ ბუდაპეშტში იგეგმება.
უეფა ამ ყველაფრის შესახებ საბოლოო გადაწყვეტილებას 17 ივნისს გამოაცხადებს, როცა ასევე სანაკრებო მატჩთა, მათ შორის ერთა ლიგის, გამართვის ლოკაციები და ფორმატი გამოცხადდება.
