ტოტენჰემმა დაადასტურა - პრემიერ ლიგაში Covid-19-ის ერთი ახალი შემთხვევა დაფიქსირდა
პრემიერ ლიგაში მასობრივი ტესტირებების მორიგი რაუნდი ჩაატარეს, რომლის შემდეგაც, კორონავირუსის 1 ახალი შემთხვევა დაფიქსირდა. პრემიერ ლიგის ოფიციალური განცხადების მიხედვით, 1197 ადამიანი შეამოწმეს და Covid-19 მხოლოდ ერთ მათგანს დაუდგინდა.
განცხადებიდან რამდენიმე წუთის შემდეგ, „ტოტენჰემმა“ დაადასტურა, რომ ინფიცირებული „დეზების“ წარმომადგენელია, თუმცა კლუბმა მისი ვინაობა საიდუმლოდ დატოვა. ბრიტანული პრესის ინფორმაციით, „ტოტენჰემის“ წარმომადგენელს კორონავირუსის სიმპტომები არ აღენიშნება, მაგრამ 7-დღიანი კარანტინის გავლა მიანც მოუწევს.
შეგახსენებთ, რომ პირველი მასობრივი ტესტირების შედეგად, 6 ინფიცირებული გამოვლინდა და მათ შორის ფეხბურთელებიც იყვნენ. მორიგი ტესტირების შემდეგ კი, Covid-19 2 ადამიანს დაუდგინდა.
Just @dele_official doing his thing in the rondo, ???????????????????? times! ???? ???? #THFC ⚪️ #COYS pic.twitter.com/o3J9h1XECT
— Tottenham Hotspur (@SpursOfficial) June 3, 2020