ბათუმელი გიორგი გვიანიძე ლეგენდარული ტოტის აკადემიაში
ახალგაზრდა ბათუმელი ფეხბურთელი გიორგი გვიანიძე, ფრანჩესკო ტოტის აკადემიასთან კონტრაქტს გააფორმებს. ფეხბურთელმა ამის შესახებ Crystalsport.ge-სთან ისაუბრა.
ლეგენდარული იტალიელი ფეხბურთელი აკადემია ბათუმელ ახალგაზრდა სპორტსმენს 5 წლიან კონტრაქტს სთავაზობს.
კონტაქტის გაფორმებამდე მხოლოდ ბოლო დეტალებია დარჩენილი.
„მოლაპარაკებები მიმდინარეობს და ველოდებით კონტრაქტის პირობებს და პირობების მოწონების შემთხვევაში გავაფორმებთ 5 წლიან კონტრაქტს. რაც შეეხება კარიერის გაგრძელებას ტოტის აკადემიაში რათქმაუნდა ძალიან დამეხმარება შესაძლებლობების განვითარებაში და ეს იქნება დიდი გამოცდილება.“- განაცხადა გიორგიმ
გიორგი გვიანიძეს ასევე თურქული, გერმანული და სხვა იტალიური აკადემიებიდანაც ჰქონდა შემოთავაზება, თუმცა საბოლოოდ არჩევანი ტოტის აკადემიაზე შეაჩერა.ამ დროისთვის საყრდენი ნახევარმცელი საქართველოს ფეხბურთის ფედერაციის აკადემიაში თამაშობს.