კორონავირუსი - "მარსელის" ექს-პრეზიდენტი 68 წლის ასაკში გარდაიცვალა
ფრანგული „მარსელის“ ყოფილი პრეზიდენტი, პაპე დიუფი, კორონავირუსთან რამდენიმეკვირიანი ბრძოლის შემდეგ 68 წლის ასაკში გარდაიცვალა.
დიუფი ევროპის ტოპ 5 ჩემპიონატის მასშტაბით ისტორიაში პირველი შავკანიანი პრეზიდენტია. იგი ასევე ჟურნალისტი და საფეხბურთო აგენტი იყო, მათ შორის ისეთი ფეხბურთელების, როგორებიც: მარსელ დესაი, უილიამ გალასი, სამირ ნასრი და დიდიე დროგბა არიან.
„მარსელის ოლიმპიკი“ პაპე დიუფის გარდაცვალების გამო უდიდეს მწუხარებას გამოთქვამს. იგი კლუბის ისტორიაში ერთ-ერთ დიდ აღმშენებლად დარჩება და „მარსელის“ თითოელ წევრსაც მუდამ ასეთად ემახსოვრება“, - წერს დიუფის ყოფილი კლუბი „ტვიტერზე“.
It is with great sadness that Olympique de Marseille learned of the death of Pape Diouf.
— Olympique de Marseille (@OM_English) March 31, 2020
Pape will remain in the hearts of the Marseillais forever, as one of the great architects in the club's history.
We send our sincerest condolences to his family and loved ones. ???? pic.twitter.com/oASMjZJ8rI
გამოცემა Goal-ის ინფორმაციით, აფრიკელი ფუნქციონერი Covid-19-ის გართულებული ფორმით სენეგალის ერთ-ერთ საავადმყოფოში გადაიყვანეს და ხელოვნური სუნთქვის აპარატზე შეაერთეს. ახლობლები იმედოვნებდნენ, რომ მის საფრანგეთში წაყვანას შეძლებდნენ, თუმცა დიუფმა სუნთქვა სამშობლოს დატოვებამდე შეწყვიტა.
პაპე დიუფი „მარსელის“ პირველი პირი 2005-09 წლებში გახლდათ. გუნდმა ამ პერიოდში ლიგა 1-ში ყველაზე მაღალი - მეორე, ხოლო ყველაზე დაბალი მე-5 ადგილი დაიკავა.