დებიუტი ''რიაზორზე'' - პაპუნაშვილის გუნდი უმძიმეს ვითარებაშია
''სარაგოსადან'' იჯარით ''რასინგში'' გადასულმა გიორგი პაპუნაშვილმა სანტანდერული კლუბის რიგებში სადებიუტო მატჩი ჩაატარა. 24 წლის შემტევის დებიუტი უშუალო კონკურენტ ''დეპორტივოსთან'' შედგა, თუმცა წარუმატებელი გამოვიდა, მასპინძლებმა ''რიაზორზე'' 2:1 მოიგეს.
ამ მარცხის შემდეგ ''რასინგი'' ბოლო ადგილზე დაქვეითდა, ხოლო ''დეპორმა'' ''რასინგს'' 2 ქულით გაასწრო და ბოლოდან მეორე ადგილზეა.
???? | ¡Hola, A Coruña! ???? La expedición racinguista ya está concentrada en tierras gallegas para el vital #DéporRacing de mañana ⚔️ #SiempreContigo #VamosRacing pic.twitter.com/xLT0X9Knrj
— Real Racing Club (@realracingclub) January 15, 2020
პაპუნაშვილი თამაშში 62-ე წუთზე ჩაერთო და გოლის გატანის შანსიც ჰქონდა, თუმცა შორი მანძილიდან მისი ძლიერი დარტყმა ''დეპორტივოს'' მეკარე დანი ხიმენესმა მოიგერია.
მიმდინარე სეზონის ლა ლიგა 2-ში ''რასინგმა'' 23 მატჩიდან მხოლოდ 2 მოიგო, 13 მატჩი ფრედ დაასრულა და 8 შეხვედრაში დამარცხდა.
24-ე ტურში ''რასინგი'' შინ ''ლას პალმასს'' უმასპინძლებს. მატჩი 19 იანვარს გაიმართება.
ფოტო: realracingclub.es