"ლივერპულმა" "ბრაიტონი" დაამარცხა და "სიტის" 11 ქულით უსწრებს! (VIDEO)
პრემიერლიგის მე-14 ტურში იურგენ კლოპის „ლივერპულმა“ „ბრაიტონს“ უმასპინძლა და 2:1 გაიმარჯვა.
„მერსისაიდელებმა“ პირველი ტაიმი ვირჯილ ვან დეიკის დუბლით მოიგეს.
მეორე ნახევარი შედარებით მძიმე გამოდგა. სტუმრებმა 76-ე წუთზე რიცხობრივი უპირატესობა მიიღეს. ალისონის გაძევების შემდეგ 79-ე წუთისთვის დანკმა ანგარიში შეამცირა, თუმცა „ბრაიტონმა“ ამის მეტი ვერაფერი შეძლო და ‘წითლებმა“ დაგეგმილი 3 ქულა გაიფორმეს.
„ლივერპული“ ამ გამარჯვების შემდეგ „სიტის“ 11 ქულით უსწრებს და შეგვიძლია ვთქვათ, რომ პეპ გვარდიოლას გუნდს ჩემპიონობის ძალიან მცირე შანსი რჩება.
„მერსისაიდელები“ კი სანუკვარ ტიტულს უახლოვდებიან.
