მე-3 ეტაპიც დასრულებულია! - მიხაილოვიჩმა ჰოსპიტალი დატოვა
იტალიური "ბოლონიას" მთავარმა მწვრთნელმა, სინიშა მიხაილოვიჩმა ქიმიოთერაპიის მე-3 ეტაპიც წარმატებით დაასრულა და ჰოსპიტალი დატოვა.
სერბი სპეციალისტის მეუღლემ დღეს საკუთარ "ინსტაგრამზე" სინიშასთან ერთად გადაღებული ფოტო გამოაქვეყნა, რომელსაც წარწერა ახლდა: "ამაზე უფრო ლამაზი არაფერია. სახლში დაბრუნება".
მიხაილოვიჩს ივლისში ლეიკემია დაუდგინდა, რის შემდეგაც მან მკურნალობის 3 კურსი გაიარა, რაშიც სრულიად საფეხბურთო სამყარო გვერდით უდგას.
50 წლის მიხაილოვიჩისთვის "ბოლონია" სამწვრთნელო კარიერაში მე-7 გუნდია. მან "როსობლუ" ზამთარში ჩაიბარა და გუნდთან ერთად საკმაოდ კარგი შედეგები აქვს.
