NBA - შეუდარებელი ლუკა დონჩიჩი და პოლ ჯორჯის Game Winner

დალასი - სან ანტონიო 117 - 110

„დალას მავერიქსის“ ახალგაზრდა კალათბურთელი, ლუკა დონჩიჩი არაამქვეყნიურ სეზონს ატარებს. ტეხასელთა ვარსკვლავთბიჭუნამ ამჯერად გრეგ პოპოვიჩის „სან ანტონიოს“ წინააღმდეგ გაიბრწყინა და პირადი რეკორდი დაამყარა.

დონჩიჩმა „სპურსს“ 42 ქულა ჩაუგდო და თან სამმაგი დუბლი გაიფორმა - 11 მოხსნა, 12 ასისტი. სლოვენიელი მოთამაშის გარდა 22 ქულით ფინი-სმიტი გამოირჩა, ხოლო პორზინგისმა 18 ქულასთან ერთად 10 მოხსნა მიითვალა.

DAGGER. @luka7doncic. ????#MFFL pic.twitter.com/2XlENixxzm
— Dallas Mavericks (@dallasmavs) November 19, 2019

რაც შეეხება დამარცხებულ „სან ანტონიოს“, აშკარაა, რომ „სპურსს“ კრიზისი აქვს. პოპოვიჩის შეგირდებმა ზედიზედ მეექვსე შეხვედრა წააგეს, რაც ხშირად ნამდვილად არ ხდება. „სან ანტონიოს“ ვერც დემარ დეროუზენის ბრწყინვალე თამაშმა უშველა, რომელმაც 36 ქულა დააგროვა. „სპურსის“ მთავარი პრობლემა კვლავ არასტაბილურობაა და ეს „დალასთან“ მატჩში კიდევ ერთხელ დადასტურდა.

???????????? pic.twitter.com/Xv5ucOEH4C
— San Antonio Spurs (@spurs) November 19, 2019

კლიპერსი - ოკლაჰომა 90 – 88

„კლიპერსის“ სუპერვარსკვლავი, პოლ ჯორჯი მესამე შეხვედრაა საკალათბურთო სამყაროს გაოცებას ახერხებს. გამოჯანმრთელებულმა "პიჯი13-მა" ჯერ "პელიკანსს" 33 ქულა ჩაუგდო, შემდეგ "ატლანტა" გაამწარა და „ჰოუქსთან 37 ქულა მიითვალა, გამთენიისას კი ყოფილ გუნდთან, „ოკლაჰომა სითი თანდერთან“ Game Winner გაიფორმა.

.@Yg_Trece called game. pic.twitter.com/E7x8tcRM81
— LA Clippers (@LAClippers) November 19, 2019

შეხვედრის დასრულებამდე 25 წამით ადრე ჯორჯმა კალათში სამქულიანი მოათავსა და „კლიპერსი“ წინ ერთი ქულით გაიყვანა. აღსანიშნავია, რომ „ოკლაჰომას“ თამაშის გადარჩენა შეეძლო, მაგრამ გილჯეს-ალექსანდერისა და გალინარის სროლებმა მიზანს არ უწია.

CLUTCH ‼️
It's almost midnight in OKC. Who's watching this 1 point game with 25 seconds left in the 4th quarter?
???? @FOXSportsOK pic.twitter.com/QeTaMAtwSX
— OKC THUNDER (@okcthunder) November 19, 2019

ჯორჯის გარდა "კლიპერსის" წარმატება მონტრეზლ ჰერელის დამსახურება გახლდათ. ეს უკანასკნელი 28 ქულით ორივე გუნდის რიგებში საუკეთესო გახლდათ.

"ოკლაჰომას" კი 22 ქულით კრის პოლმა ულიდერა. გალინარიმ 14 ქულა მიითვალა, ხოლო შროდერი 12 ქულას დასჯერდა.

ნიუ იორკი - კლივლენდი 123 – 105