გვილიას გამარჯვების გოლი დამატებულ წუთზე!
საქართველოს ეროვნული ნაკრების ფეხბურთელმა ვაკო გვილიამ პოლონეთის ჩემპიონატის მეორე ტურში ''კორონასთან'' გასვლით შეხვედრაში, როცა ანგარიში 1:1 იყო, მეორე ტაიმის მეოთხე დამატებულ წუთზე ''ლეგიასთვის'' გამარჯვების გოლი გაიტანა.
მიმდინარე სეზონში ''ლეგიამ'' ექსტრაკლასაში პირველი მატჩი გვილიას გოლით მოიგო.
Walerian Gwilia rzutem na taśmę zapewnia zwycięstwo @LegiaWarszawa w Kielcach!#KORLEG pic.twitter.com/iIMScNs0Nz
— PKO BP Ekstraklasa (@_Ekstraklasa_) July 28, 2019
''კორონასთან'' გვილია სასტარტო შემადგენლობაში ვერ მოხვდა, თამაშში 61-ე წუთზე ჩაერთო. ''კორონას'' სასტარტო თერთმეტეულში ვატო არველაძემ ითამაშა, შესვენების შემდეგ შეცვალეს და მეორე ტაიმში არ უასპარეზია.
ვაკო გვილია ''ლეგიას'' მიმდინარე ზაფხულში შეუერთდა. ვარშავულ კლუბში ქართველმა ნახევარმცველმა 5 მატჩი ჩაატარა. მის ანგარიშზე 1 გოლი და 2 საგოლე გადაცემაა. ასე რომ ქართველი შემტევი პოლონურ კლუბს კარგად შეეწყო.
