შეთავაზება, რომელიც ''აიაქსს'' არ აკმაყოფილებს - დე ლიხტის ტრანსფერი შესაძლოა ჩაიშალოს
Sky Sports-ის ცნობით ტურინის ''იუვენტუსმა'' ამსტერდამის ''აიაქსს'' დე ლიხტის სანაცვლოდ 58,3 მილიონი ფუნტი სტერლინგი შესთავაზა.
იტალიური გუნდის მხრიდან დე ლიხტთან დაკავშირებით პირველი შეთავაზება იყო, რომლის მიხედვით ''აიაქსი'' 49,3 მილიონ ფუნტ სტერლინგს მიიღებს, ხოლო საბონუსე სისტემის მიხედვით მოთამაშის წარმატებული ასპარეზობა ჰოლანდიურ კლუბს კიდევ 9 მილიონ ფუნტ სტერლინგს მოუტანს.
''ბებერმა ქალბატონმა'' დე ლიხტის აგენტს, მინო რაიოლას ხუთწლიანი კონტრაქტი შესთავაზა, რომლის მიხედვით ცენტრალური მცველის წლიური ხელფასი 10,7 მილიონ ფუნტ სტერლინგს შეადგენს.
Juventus have made an offer for Ajax captain Matthijs de Ligt worth an initial £49.3m, plus add-ons, according to Sky in Italy.
— Sky Sports News (@SkySportsNews) July 4, 2019
ჰოლანდიურ კლუბს სატრანსფერო თანხა არ აკმაყოფილებს, ''აიაქსი'' ფეხბურთელის სანაცვლოდ 67,3 მილიონ ფუნტ სტერლინგს ითხოვს, რაც შესაძლოა ტრანსფერის მთავარი შემაფერხებელი ფაქტორი აღმოჩნდეს. მოთამაშე და მისი აგენტი ''იუვენტუსის'' შეთავაზებული წინადადებით კმაყოფილები არიან და ''აიაქსის'' თანხმობის შემთხვევაში უნიჭიერეს ჰოლანდიელ მცველს სერია ა-ს ჩემპიონში ვიხილავთ.
19 წლის დე ლიხტი ''აიაქსის'' აღზრდილია, 2016 წლიდან ამსტერდამული გუნდის პირველ გუნდში ასპარეზობს. 2017 წლიდან მოყოლებული ცენტრალური მცველი ჰოლანდიის ეროვნულ ნაკრებში რეგულარულად ასპარეზობს. მის ანგარიშზე 17 მატჩში გატანილი 2 გოლია.