NBA-ს ახალი ჩემპიონი ჰყავს! "ტორონტომ" "გოლდენ სტეიტის" ზეობის ხანას წერტილი დაუსვა
ნაციონალური საკალათბურთო ასოციაციის 2018-19 წლების სეზონი ოფიციალურად დასრულდა. გამთენიისას კავაი ლეონარდის „ტორონტომ“ „გოლდენ სტეიტს“ „ორაქლ არენაზე“ 114-110 სძლია და ჩემპიონობა ისტორიაში პირველად დაისაკუთრა.
Inside the @raptors lockerroom celebration! #WeTheNorth pic.twitter.com/7ovDvRoHhX
— NBA (@NBA) June 14, 2019
შეხვედრის დიდი ნაწილი ქულა ქულაში წარიმართა. პირველ ტაიმში უკეთ კანადელები გამოიყურებოდნენ და შესვენებაზე სამქულიანი უპირატესობით გავიდნენ. მესამე თორმეტწუთეულში „გოლდენ სტეიტმა“ ინიციატივა ხელთ იგდო და წინ გაიჭრა, თუმცა მეოთხედის დასრულებამდე 2 წუთით ადრე, კლეი ტომპსონმა ტრავმა მიიღო და თამაშის გაგრძელება ვეღარ შეძლო.
ერთ-ერთი ლიდერის გარეშე დარჩენილი „უორიორზი“ არ დანებებულა და ბოლო წამებზე შეხვედრის გადარჩენის შანსიც მიეცა. მატჩის დასრულებამდე 18 წამით ადრე „ტორონტო“ ერთი ქულით იგებდა, თუმცა „რეპტორზის“ მსროლელმა მცველმა, დენი გრინმა უხეში შეცდომა დაუშვა და ბურთი მეტოქეს ჩააბარა. სტივ კერმა ტაიმაუტი აიღო და მშვენიერი კომბინაცია დახაზა. „მეომრებმა“ სასროლზე სტეფ კარი გაიყვანეს, მაგრამ „ოქროს ბიჭუნას“ სამიანმა მიზანს არ უწია.
The @Raptors receive the Larry O'Brien NBA Championship Trophy! #WeTheNorth pic.twitter.com/oavGnXlcmi
— NBA (@NBA) June 14, 2019
"რეპტორზის" ტრიუმფი გუნდური კალათბურთის დამსახურება გახლდათ. კანადელთა რიგებში 20 ქულიანი ნიშნული ოთხმა კალათბურთელმა გადალახა. საუკეთესო კაილ ლოურისა და პასკალ სიაკამის დუეტი იყო. მათ თავი 26-26 ქულით გამოიჩინეს. კავაი ლეონარდმა და ფრედ ვენვლიტმა კი გუნდს 22-22 ქულა შესძინეს.
???? The closing call to Game 6 as the @Raptors win their first championship in franchise history! #WeTheNorth #NBAFinals pic.twitter.com/ISWARyxYvI
— NBA (@NBA) June 14, 2019
„გოლდენ სტეიტის“ მხრიდან კლეი ტომპსონი გამოირჩა, რომელმაც 31 წუთში აქტივში 30 ქულა და 5 მოხსნა ჩაიწერა. ანდრე იგუდალამ შეხვედრა 22 ქულით დაასრულა. სტეფ კარი 21 ქულას დასჯერდა. დრეიმონდ გრინმა კი სამმაგი დუბლი გაიფორმა - 11 ქულა, 19 მოხსნა, 13 შედეგიანი გადაცემა.
???? the TOP PLAYS down the stretch as the @Raptors win Game 6 to become 2019 NBA CHAMPIONS! #WeTheNorth #NBAFinals pic.twitter.com/B47olUknFh
— NBA (@NBA) June 14, 2019
ფინალური სერიის MVP კავაი ლეონარდი გახდა. კანადელთა სუპერვარსკლავი „გოლდენ სტეიტის“ წინააღმდეგ ბრწყინვალე იყო და საშუალოდ 28.5 ქულას, 9.8 მოხსნას და 4.2 შედეგიან გადაცემას აგროვებდა. კავაი NBA-ს ისტორიაში მესამე კალათბურთელია, რომელმაც ფინალების MVP სხვადასხვა გუნდის მაისურით დაისაკუთრა. აქამდე მსგავსი რამ მხოლოდ ლებრონ ჯეიმსსა და კარიმ აბდულ ჯაბარს ჰქონდათ გაკეთებული.
KAWHI LEONARD 2X FINALS MVP! #WeTheNorth pic.twitter.com/dabEfjSRsb
— Toronto Raptors (@Raptors) June 14, 2019