NBA-ის პლეიოფის მატჩების მიმოხილვა

დეტროიტი - მილუოკი 104 – 127

ზაზა ფაჩულიას „დეტროიტი“ „მილუოკისთან“ მიჯრით მეოთხედ დამარცხდა და ჩემპიონობისთვის ბრძოლას გამოეთიშა. ქართველი ცენტრის გუნდს არც ბლეიკ გრიფინის დაბრუნებამ უშველა. მიჩიგანელთა სუპერვარსკლავმა 22 ქულა, 5 მოხსნა და 6 შედეგიანი გადაცემა გაიფორმა, თუმცა მისი გარჯა გამარჯვებისთვის საკმარისი არ აღმოჩნდა.

???? OH MY GIANNIS! ????#NBAPlayoffs #FearTheDeer pic.twitter.com/Fe2b0Ti4gH
— NBA (@NBA) April 23, 2019

გრიფინის გარდა 26 ქულით რეჯი ჯექსონი გამოირჩა. ანდრე დრამონდმა ორმაგი დუბლი გააკეთა - 15 ქულა, 12 მოხსნა. სათადარიგო სკამიდან შესულმა ლუკ კენარდმა კი თავი 11 ქულას მოუყარა. რაც შეეხება ზაზა ფაჩულიას, ქართველ ცენტრს პარკეტზე არცერთი წამი არ გაუტარებია.

Reggie Jackson leads all scorers with 20 PTS! #DetroitBasketball

2nd half is underway on @NBAonTNT. pic.twitter.com/emX05KhFc7
— NBA (@NBA) April 23, 2019

„მილუოკის“ ტრადიციულად იანის ანტეტოკოუნმპომ ულიდერა. ბერძენმა 41 ქულასთან ერთად 9 მოხსნა გაიფორმა. კრის მიდლტონმა 18 ქულა დააგროვა. ერიკ ბლედსოუ კი 16 ქულას დასჯერდა.

Giannis scores 16 third-quarter PTS and has 33 in the game! #FearTheDeer 100#DetroitBasketball 88

????: @NBAonTNT pic.twitter.com/08rx4kpkny
— NBA (@NBA) April 23, 2019

იუტა - ჰიუსტონი 107 – 91

დონოვან მიჩელის „იუტა ჯაზი“ „ჰიუსტონთან“ ბრძოლას განაგრძობს. გამთენიისას „ჯაზმენებმა“ სერიაში ჩამორჩენა შეამცირეს და „როქეთსს“ საშინაო არენაზე სძლიეს. მატჩის სამი მეოთხედი თანაბარ ორთაბრძოლაში წარიმართა და გამარჯვებულის ბედი გადამწყვეტ პერიოდში გაირკვა. „ჯაზმა“ ბოლო თორმეტწუთეული ბრწყინვალედ ჩაატარა და მეტოქეზე 19 ქულით მეტი ჩააგდო.

Donovan Mitchell goes high off-the-glass in #PhantomCam!#TakeNote #NBAPlayoffs @NBAonTNT pic.twitter.com/zflYfH02R0
— NBA (@NBA) April 23, 2019

„იუტას“ გამარჯვებაში ლომის წვლილი დონოვან მიჩელს მიუძღვის, რომელმაც შეხვედრა 31 ქულით დაასრულა. ჯაე კრაუდერმა აქტივში 23 ქულა ჩაიწერა. რიკი რუბიო კი გუნდს ორმაგი დუბლით დაეხმარა - 18 ქულა, 11 შედეგიანი გადაცემა.