Aa Aa
15 აპრილი 2019  |  10:54

NBA-ის პლეიოფების პირველი რაუნდის მიმოხილვა

პორტლენდი - ოკლაჰომა 104 – 99

„პორტლენდ ტრეილ ბლეიზერსმა“ პლეიოფის პირველ შეხვედრაში სასურველი შედეგი დააფიქსირა. დემიენ ლილარდმა და კომპანიამ რასელ უესტბრუკის „ოკლაჰომას“ უმასპინძლეს და მეტოქეს დაძაბულ ბრძოლაში სძლიეს.

ტერი სტოტსის შეგირდებმა პირველი მეოთხედი უმაღლეს დონეზე ჩატარეს და 14 ქულიანი ჰანდიკაპი მოიპოვეს. „თანდერმა“ რამდენჯერმე გაიბრძოლა, თუმცა საშინაო კედლების უპირატესობის დასაკუთრება ვერ მოახერხა.

„ბლეიზერსის“ რიგებში საუკეთესო დემიენ ლილარდი გახლდათ, რომელმაც 30 ქულა გაიფორმა. სი ჯეი მაკკოლუმმა თავი 24 ქულას მოუყარა. შესანიშნავი მატჩი ჩაატარა ენეს კანტერმა, რომელმაც ნურკიჩის არყოფნაში გუნდს 20 ქულა და 18 მოხსნა შესძინა.

„ოკლაჰომას“ მხრიდან 26 ქულითა და 10 მოხსნით პოლ ჯორჯი გამოირჩა. რასელ უესტბრუკმა სამმაგი დუბლი გაიფორმა - 24 ქულა, 10 მოხსნა, 10 პასი. სტივენ ადამსმა კი 17 ქულა და 9 მოხსნა გაიფორმა.

ჰიუსტონი - იუტა - 122 – 90

დასავლეთ კონფერენციის შარშანდელმა ფინალისტმა, „ჰიუსტონ როქეთსმა“ ჩემპიონობისთვის ბრძოლა ბრწყინვალე გამარჯვებით დაიწყო. ტექსასელებმა საკუთარ პარკეტზე „იუტას“ უმასპინძლეს და „ჯაზმენები“ გააცამტვერეს.

მაიკ დენტონის ბიჭებმა წარმატებას გუნდური კალათბურთის წყალობით მიაღწიეს. „ჰიუსტონის“ რიგებში 10 ქულიანი ნიშნული 7-მა მოთამაშემ გადალახა, საუკეთესო კი ჯეიმს ჰარდენი გახლდათ, რომელმაც 29 ქულა და 10 შედეგიანი გადაცემა გაიფორმა.

„იუტას“ რიგებში 22 ქულითა და 12 მოხსნით რუდი გობერი გამოირჩა. დონოვან მიჩელმა 19 ქულა გაიფორმა. რიკი რუბიო კი 15 ქულას დასჯერდა.

ბოსტონი - ინდიანა 84 – 74

მილუოკი -დეტროიტი 121 - 86

გაზიარება:

მსგავსი სიახლეები

ცხელი ამბები

100% CASHBACK კრისტალბეთზე!

100% CASHBACK კრისტალბეთზე!