რონალდინიოს შვილს ''კრუზეირომ'' გრძელვადიანი კონტრაქტი გაუფორმა

საფეხბურთო კლუბმა ''კრუზეირომ'' ლეგენდარული ბრაზილიელი ფეხბურთელის, რონალდინიოს 14 წლის ვაჟთან, ჟოაო მენდეშთან გრძელვადიანი კონტრაქტი გააფორმა. ჟოაო მენდეში ''კრუზეიროში'' გასული წლიდან მოყოლებული თამაშობს, ახალი კონტრაქტის მიხედვით კი კლუბში 19 წლის ასაკამდე იასპარეზებს.

''კრუზეიროს'' დირექტორმა ამარილდო რიბეირომ კლუბის ოფიციალურ ვებგვერდთან ჟოაო მენდეშის შესახებ  ისაუბრა:''ის ძალიან ტექნიკურია, შეუძლია როგორც ფორვარდის, ასევე მეორე ფორვარდის პოზიციებზე თამაში. გარდა ამისა სისწრაფით გამოირჩევა და იმედი მაქვს მალე ''კრუზეიროს'' პირველ გუნდთან ერთად ივარჯიშებს.''

OFFICIAL: João Mendes, striker and son of Ronaldinho Gaucho, signed the first contract with Cruzeiro. The player signed an agreement with Raposa in the under-14 category. Joao's bond with Cruzeiro lasts until the day before the son of R10 turns 20 pic.twitter.com/ZLxBgkuxwa

— Enock Kobina Essel (@kobinaessel39) April 5, 2019

კონტრაქტის გაფორმების შემდეგ რონალდინიოს ვაჟმა განაცხადა: ''ძალიან ბედნიერი ვარ. დიდი მადლობა კლუბის ხელმძღვანელებს, მათ მომცეს შანსი, რომ ერთ დღესაც ''კრუზეიროს'' ძირითად გუნდში ვითამაშო და კლუბის ქომაგები კარგი თამაშით გავახარო.''

რაც შეეხება რონალდინიოს, ის საფეხბურთო კლუბ ''გრემიოს'' აღზრდილია. პირველი პროფესიული კონტრაქტი სწორედ ''გრემიოსთან'' გააფორმა, 2001 წელს კი კარიერა პსჟ-ში გააგრძელა. ევროპული კარიერის დასრულების შემდეგ რონალდინიოს უთამაშია ''ფლამენგოში,'' ''ატლეტიკო მინეიროსა'' და ''ფლუმინენსეში.''

Official: #Ronaldinho's son Joao Mendes signs first contract with #Cruzeiro https://t.co/CUlVBubnAH pic.twitter.com/rsH1s8gbAR

— CalcioMercato (En) (@CmdotCom_En) April 6, 2019