ეს დაუჯერებელია! „პსჟ“ ნეიმარის სანაცვლოდ კოლოსალურ თანხას იხდის

„პარი სენ ჟერმენის“ ხელმძღვანელები, კატალონიის „ბარსელონასა“ და ბრაზილიის ეროვნული ნაკრების თავდამსხმელის, ნეიმარის შეძენით არიან დაინტერესებული. ამის შესახებ ინფორმაციას ბრაზილიური ინტერნეტ-გამოცემა „UOL“ ავრცელებს.

როგორც აღნიშნული წყარო იუწყება, ფრანგული კლუბის პრეზიდენტი, ნასერ ალ ხელაიფი მზად არის, რომ ბრაზილიელ ფეხბურთელს წელიწადში 40 მილიონი ევრო გადაუხადოს. აღნიშნული თანხა საგრძნობლად აღემატება ზლატან იბრაჰიმოვიჩის წლიურ ჯამაგირს, რომელიც წელიწადში 16.2 მილიონ ევროს შეადგენს. ამას გარდა პარიზული კლუბის მზად არის, რომ „ბარსელონას“ ფეხბურთელის სანაცვლოდ 190 მილიონი ევრო შესთავაზოს.

შეგახსენებთ, რომ „პარი სენ ჟერმენის“ გარდა ნეიმარით მადრიდის „რეალი“ და „მანჩესტერ სიტიც“ ინტერესდებიან.