ვერატიმ შესაძლოა ''მანჩესტერ იუნაიტედთან'' შეხვედრა გამოტოვოს
ჩემპიონთა ლიგის მერვედფინალში პსჟ-ს მეტოქე ''მანჩესტერ იუნაიტედი'' იქნება. ფრანგული კლუბის იტალიელმა ნახევარმცველმა მარკო ვერატიმ შესაძლოა პირველი დაპირისპირება გამოტოვოს.
პსჟ-ს ოფიციალური ვებგვერდის ცნობით ვერატიმ ''გენგამთან'' შეხვედრაში მარცხენა ფეხის მუხლზე ტრავმა მიიღო. ამ ეტაპზე უცნობია როდის დაუბრუნდება ვერატი მინდორს.
საფრანგეთის ლიგა 1-ის 21-ე ტურში პსჟ-მ შინ 9:0 გაანადგურა ''გინგამი.'' გოლები ნეიმარის (2), მბაპეს (3), კავანის (3) და მუნიეს ანგარიშზეა.
ვერატი ტრავმის გამო მე-19 წუთზე შეცვალეს. ტომას ტუხელმა თამაშში გერმანელი ნახევარმცველი დრაქსლერი ჩართო.
19' PSG forced to make an early substitution: Marco Verratti can't continue due to injury and is replaced by Julian Draxler #PSGEAG pic.twitter.com/w3qr3flldG
— Paris Saint-Germain (@PSG_English) January 19, 2019
რაც შეეხება ჩემპიონთა ლიგის მერვედფინალურ მატჩებს, 12 თებერვალს ''მანჩესტერ იუნაიტედი'' ''ოლდ ტრაფორდზე'' ტუხელის გუნდს უმასპინძლებს. საპასუხო მატჩი 6 მარტს გაიმართება.
