შაშიაშვილმა ''დილა'' დატოვა
საფეხბურთო კლუბი გორის ''დილა'' მთავარმა მწვრთნელმა გიორგი შაშიაშვილმა დატოვა. ინფორმაციას კლუბის პრესსამსახური ავრცელებს.
შაშიაშვილი გუნდს სათავეში მიმდინარე სეზონში ჩაუდგა და მისი ხელმძღვანელობით ''დილამ” 18 შეხვედრა ჩაატარა, რომელთაგან 8 მოიგო, 5 ფრედ დაასრულა და 5 მატჩში დამარცხდა. მთავარ მწვრთნელად დანიშვნამდე შაშიაშვილი ''დილაში'' მთავარი მწვრთნელის, გიორგი დარასელიას ასისტენტად მუშაობდა.
2018 წლის ეროვნულ ლიგაში ''დილა'' 63 ქულით მე-5 ადგილზე გავიდა და ევროპა ლიგის საგზური ვერ მოიპოვა.
ამ ეტაპზე შაშიაშვილის შემცვლელი უცნობია.
ფოტო: eliga.ge
