ქაოსი
Aa
Aa

ქაოსი "ელ მონუმენტალზე"! "რივერის" ქომაგები თავს "ბოკას" ავტობუსს დაესხნენ

გამთენიისას, "ელ მონუმენტალზე" კოპა ლიბერტადორესის ფინალური დაპირისპირების განმეორებით შეხვედრა უნდა ჩატარებულიყო, თუმცა მატჩი გარკვეული დროით გადაიდო.

"ბოკა ხუნიორსი" მოსისხლე მტრის საშინაო სტადიონისკენ ავტობუსით გაემართა, რომელსაც თავს "რივერ პლეიტის" გულშემატკივრები დაესხნენ. "ელ მონუმენტალის" მიმდებარე ტერიტორიაზე სრული ქაოსი წარმოიქმნა და პოლიცია "რივერის" ქომაგების შეჩერებას ვერ ახერხებდა.

გავრცელებული ინფორმაციით დაზიანება "ბოკას" სამმა ფეხბურთელმა მიიღო და მათი საავადმყოფოში გადაყვანა გახდა საჭირო. სამწუხაროდ ეს ყველაფერი არაა. კლუბის დანარჩენი მოთამაშეები პოლიციის მიერ გაშვებული ცრემლსადენი გაზით მოიწამლნენ. 

აღსანიშნავია, რომ მიუხედავად საზარელი ინციდენტისა "კონმებოლის" წარმომადგენლები შეხვედრის ჩატარებას მაინც ითხოვდნენ. ზოგიერთი გამოცემა იმასაც იუწყება, რომ "ბოკა ხუნიორსს" მოედანზე გასვლა ჯანი ინფანტინომ აიძულა და წინააღმდეგ შემთხვევაში დისკვალიფიკაციით და სანქციებით დაემუქრა.

მსგავსი სიახლეები

ცხელი ამბები