NBA-ის გასული ტურის მატჩების მიმოხილვა
ბოსტონი - ფილადელფია 105 - 87
გამთენიისას სტარტი ნაციონალური საკალათბურთო ასოციაციის ახალმა სეზონმა აიღო. პირველი შეხვედრა ბოსტონში გაიმართა, სადაც ადგილობრივმა „სელტიკსმა“ „ფილადელფიას“ უმასპინძლა და მეტოქე უშანსოდ გაანადგურა.
Gordon Hayward gets his 1st bucket in TD Garden! ☘️#CUsRise pic.twitter.com/cSLV2aMkDq
— NBA on TNT (@NBAonTNT) October 17, 2018
„სიქსერსმა“ წინააღმდეგობის გაწევა მხოლოდ საწყის 12 წუთში შეძლო და პირველი მეოთხედი ფრედ 21-21 დასრულდა. „ბოსტონმა“ მეორე მეოთხედიდან მატჩის სადავეები ხელთ იგდო და საოცარი დაცვის ხარჯზე მეტოქე 105-87 დაამარცხა.
HOLD UP. pic.twitter.com/uiDzPL2bAa
— Bleacher Report (@BleacherReport) October 17, 2018
„სელტიკსის“ მხრიდან 23 ქულით საუკეთესო ჯეისონ ტეიტუმი იყო. მარკუს მორისმა აქტივში ორმაგი დუბლი ჩაიწერა - 16 ქულა, 10 მოხსნა. ახლადდაბრუნებულმა გორდონ ჰეიუარდმა შეხვედრა 10 ქულით დაასრულა, ხოლო ტერი როზიერმა 11 ქულას და 8 მოხსნას მოუყარა თავი.
Jayson Tatum (9 PTS) got the Celtics going early in the first quarter!#CUsRise pic.twitter.com/xonvvmK3Te
— NBA on TNT (@NBAonTNT) October 17, 2018
„ფილადელფიას“ რიგებში ორმაგი დუბლით ჯოელ ემბიდი გამოირჩა - 23 ქულა, 10 მოხსნა. ბენ სიმონსმა შესანიშნავი შეხვედრა ჩაატარა და სამმაგ დუბლამდე 2 პასი დააკლდა - 19 ქულა, 15 მოხსნა, 8 შედეგიანი გადაცემა. სათადარიგო სკამიდან შემოსულმა ჯეი ჯეი რედიკმა კი გუნდს 16 ქულა მოუტანა.
Simmons gets crafty with it. #HereTheyCome pic.twitter.com/bvM6dgRfSf
— NBA on TNT (@NBAonTNT) October 17, 2018
გოლდენ სტეიტი - ოკლაჰომა 108 - 100
„გოლდენ სტეიტმა“ ტიტულის დაცვა „ოკლაჰომასთან“ დაპირისპირებით დაიწყო. „უორიორსმა“ პირველი ტაიმი დამაჯერებლად ჩაატარა და შესვენებაზე 10 ქულიანი უპირატესობით გავიდა. „თანდერი“ არ დანებებულა და თამაშში დაბრუნება მოახერხა. პოლ ჯორჯმა და კომპანიამ მესამე მეოთხედი 6 ქულიანი სხვაობით მოიგეს, თუმცა გადამწყვეტ მეოთხედში მხოლოდ 21 ქულა ჩააგდეს, რაც „გოლდენ სტეიტის“ სტუმრად დასამარცხებლად საკმარისი ნამდვილად არაა.
Steph showed out on Ring Night
— Bleacher Report (@BleacherReport) October 17, 2018
32 PTS (5/9 from 3)
8 REBS
9 ASTS pic.twitter.com/S9H7HeaKMU
ოკლენდელთა რიგებში სტეფ კარი გამოირჩა. „ოქროს ბიჭუნამ“ 32 ქულასთან ერთად 8 მოხსნა და 9 შედეგიანი გადაცემა მიითვალა. კევინ დურანტმა გუნდს 27 ქულა შესძინა. კლეი ტომპსონმა აქტივში 14 ქულა ჩაიწერა. სათადარიგო სკამიდან შემოსულმა კევონ ლუნიმ კი ორმაგი დუბლი გაიფორმა - 10 ქულა, 10 მოხსნა.
KD and PG trading buckets
— Bleacher Report (@BleacherReport) October 17, 2018
We've got a game ???? pic.twitter.com/FzPuq3D9YL
„ოკლაჰომას“ 27 ქულით პოლ ჯორჯმა ულიდერა. დენის შროდერმა 21 ქულის მოგროვება მოახერხა, ხოლო სტივენ ადამსი გუნდს ორმაგი დუბლით შეეწია - 17 ქულა, 11 მოხსნა.
15 third-quarter points ????
— Bleacher Report (@BleacherReport) October 17, 2018
PG has come alive. pic.twitter.com/Hh8kKjkWUS