"ბოლოს ის მარკო სპორტიელომ ნახა" - რას ამბობენ ასტორის გარდაცვალებაზე?..
იტალიურმა პრესამ, დავიდე ასტორის გარდაცვალებასთან დაკავშირებით, შემდეგი განცხადებები გაავრცელა.
"იების" 31 წლის კაპიტანი, დღეს დილით, სასტუმროს ნომერში, საკუთარ საწოლში გარდაცვლილი იპოვეს.
"09:30 საათზე, დილის საუზმეზე, იგი არ გამოცხადდა, არადა ჩვეულებრივ, ერთ-ერთი პირველი მოდიოდა ხოლმე. ბიჭებმა მისი შემოწმება გადაწყვიტეს.
დავიდეს ნომერში, საკუთარ საწოლში ეძინა. უნდა ვთქვა, რომ ზოგ ფეხბურთელს 1 კაციანი ნომერი აქვს, ზოგი კი ნომრებში წყვილად შედის.
ბოლოს იგი მარკო სპორტიელომ ნახა. ისინი ღამით ვიდეო თამაშით ერთობოდნენ. სპორტიელომ პოლიციას ჩვენება უკვე მისცა". - ეს "ფიორენტინას" ერთ-ერთი წარმომადგენლის კომენტარია.
"ჩვენი აზრით, გარდაცვალება ბუნებრივი გზით მოხდა და გულის შეტევას უკავშირდება. თუმცა უცნაურია, რატომ დაემართა ასეთი რამ პროფესიონალს, რომელიც შემოწმებას ინტენსიურად გადიოდა". - აქვეყნებს უდინელი პროკურორის - ანტონიო დე ნიკოლოს სიტყვებს აპენინური პრესა.