გუარდიოლა: „რეალი“ თავს კარგად იცავდა
„აუდის თასის“ ფინალური შეხვედრა მიუნხენის „ბაიერნის“ მთავარმა მწვრთნელმა პეპ გვარდიოლამაც შეაფასა, რომელიც უკმაყოფილო დარჩა მოედნის მდგომარეობით.
„რეკორდმაისტერმა" ფინალურ შეხვედრაში 1:0 მოუგო მადრიდის „რეალს“, პეპმა კი „სამეფო კლუბის“ ორი ახალგაზრდა, დენის ჩერიშევი და ლუკას ვასკესი შეაქო.
„მნიშვნელოვანი იყო, რომ „რეალისთვის“ ბურთი წაგვერთვა. თუმცა, გარდა ამისა, 18–19 დარტყმა განვახორციელეთ მეტოქის კარის მიმართულებით. „რეალის“ დონე შესამჩნევი იყო, მაგრამ მინდორი ცუდ მდგომარეობაში გახლდათ და ფეხბურთელებს ბევრი ძალების დახარჯვა მოუწიათ. ლუკას ვასკესით და ჩერიშევით, „რეალმა“ დაცვაში კარგად იმოქმედა, ორგანიზებულად“ – განაცხადა გვარდიოლამ.