„ინტერი“ ბეგოვიჩისთვის შეთავაზებას ამზადებს

„სტოკ სიტის“ მეკარემ, ასმირ ბეგოვიჩმა კარიერა შეიძლება მილანის „ინტერში“ განაგრძოს. „ESPN“-ის ინფორმაციით 27 წლის მეკარით, პირადად რობერტო მანჩინია დაინტერესებული.

 

„ინტერი“ ამავდროულად, კონტრაქტის გახანგრძლივების თაობაზე მოლაპარაკებებს გუნდის ძირითად მეკარესთან, სამირ ჰანდანოვიჩთანაც აწარმოებს, თუმცა ჯერ-ჯერობით მხარეებმა შეთანხმებას ვერ მიაღწიეს. იტალიაში კი ვარაუდობენ, რომ ასმირ ბეგოვიჩს, „ინტერი“ სწორედ სლოვენიელის შემცვლელად მოიაზრებს.

 

„პრემიერლიგის“ მიმდინარე გათამაშებაში ბეგოვიჩმა 33 მატჩი ჩაატარა, საკუთარ კარში კი 41 გოლი აქვს გაშვებული.