“შემადგენლობაში როტაცია იქნება“ - დეშამი ინგლისთან მატჩის წინ

მსოფლიო ჩემპიონატზე მესამე ადგილისთვის მატჩში ერთმანეთს ინგლისი და საფრანგეთი დაუპირისპირდებიან.

მატჩის წინ, მამლების მთავარმა მწვრთნელმა დიდიე დეშამმა ჟურნალისტებთან ისაუბრა.

დეშამი:

„მესამე ადგილისთვის მატჩი არ არის ის, რაზეც მსოფლიო ჩემპიონატზე ოცნებობ, მაგრამ მაინც გვაქვს მიზანი – ტურნირი გამარჯვებით დავასრულოთ. ინგლისი ძალიან ძლიერი მეტოქეა. ორივე გუნდი იმედგაცრუებულია ნახევარფინალით, თუმცა ასეთ შეხვედრებში პროფესიონალიზმი უნდა აჩვენო.

ფეხბურთელებს ვუთხარი, რომ ამ მატჩს პატივისცემით უნდა მოვეკიდოთ. საფრანგეთის მაისურით ყოველი თამაში მნიშვნელოვანია. გვსურს მესამე ადგილი მოვიპოვოთ. ეს ვერ შეცვლის ნახევარფინალის იმედგაცრუებას, მაგრამ ტურნირის კარგად დასრულება იქნება.

შემადგენლობაში გარკვეული როტაცია იქნება. რამდენიმე ფეხბურთელს სათამაშო დრო მიეცემა. მიუხედავად ამისა, ამ მატჩს მაინც სერიოზულად ვეკიდები და მიზანი გამარჯვებაა.“

შეგახსენებთ, რომ ინგლისი ნახევარფინალურ მატჩში არგენტინასთან 1:2 დამარცხდა, საფრანგეთი კი ესპანეთთან 0:2.

ინგლისისა და საფრანგეთის დაპირისპირება 19 ივლისით თარიღდება და თბილისის დროით 01:00-დან დაიწყება.