უდინეზემ მილანთან წააგო - ჩაკვეტაძემ შეუცვლელად ითამაშა

იტალიის სერია A-ს მე-8 ტურში გიორგი ჩაკვეტაძის „უდინეზე“ საკუთარ მოედანზე „მილანს“ დაუპირისპირდა და 0:2 დამარცხდა.

ქართველი ფეხბურთელი სასტარტო შემადგენლობაში იყო და ბოლომდე შეუცვლელად ითამაშა. ჩაკვეტაძეს შედეგიანი მოქმედება არ ჰქონია, თუმცა მთელი თამაშის განმავლობაში აქტიურობდა და რამდენიმე დასამახსოვრებელი ეპიზოდი შემოგვთავაზა.

გიორგის სტატისტიკა ასეთი იყო - ბურთთან 62 შეხება, 49-დან 39 ზუსტი პასი, 5-დან 1 ზუსტი გრძელი პასი, 3 საკვანძო პასი, 4-დან 3 წარმატებული დრიბლინგი, კარისკენ 1 არაზუსტი დარტყმა, ერთი განმუხტვა, 1 წარმატებული ვარდნა. Sofascore-ს შეფასება - 7.0 ქულა.

ჩაკვეტაძის გამორჩეული ეპიზოდები:

რაც შეეხება შეხვედრის მიმდინარეობას, „მილანმა“ ანგარიში მე-6 წუთზე, კრისტიან პულიშიჩის გოლით გახსნა, რომელსაც საგოლე გადაცემა ლუკა მოდრიჩმა გაუკეთა. 65-ე წუთზე კი ჰატჩინსონმა სხვაობა ორამდე გაზარდა და საბოლოო ანგარიშიც დააფიქსირა.

გიორგი ჩაკვეტაძემ „უდინეზეს“ მაისურით სერია A-ს მიმდინარე სეზონში მე-5 შეხვედრა ჩაატარა და შედეგიანი მოქმედება ჯერჯერობით, არ ჰქონია.

რაც შეეხება „უდინეზეს“, ივან იურიჩის გუნდს აშკარა კრიზისი აქვს. საწყის ორ ტურში, „კომოსთან“ ფრისა და „მონცასთან“ გამარჯვების შემდეგ უდინელებმა ზედიზედ 6 მატჩი წააგეს და სატურნირო ცხრილში 4 ქულით მე-17 პოზიციას იკავებენ. ჩაკვეტაძის გუნდი მომდევნო შეხვედრას 28 ოქტომბერს, სტუმრად „პარმასთან“ გამართავს.