ატლანტაში არგენტინელ ფანებს შორის მასობრივი ჩხუბი მოხდა
ატლანტაში, ინგლისის წინააღმდეგ მსოფლიო ჩემპიონატის ნახევარფინალის წინ, არგენტინის ნაკრების გულშემატკივართა მასობრივი შეკრება გაიმართა. ადგილობრივი პოლიციის შეფასებით, საერთო ჯამში 10 ათასამდე ადამიანი შეიკრიბა.
თუმცა, ზეიმი არგენტინული კლუბების, „სან-ლორენსოსა“ და „ურაკანის“ ფანებს შორის მომხდარმა ჩხუბმა დაჩრდილა.
კონფლიქტის მონაწილეები თავდაპირველად ერთმანეთს შეურაცხყოფას აყენებდნენ, შემდეგ კი ერთმანეთის მიმართულებით ბოთლების, ნაგვის ურნების, მაგიდებისა და სკამების სროლა დაიწყეს. თვითმხილველები ჩხუბის შეჩერებას ცდილობდნენ და ყვიროდნენ: „ინგლისელებს უნდა ეჩხუბოთ, იდიოტებო!“
პოლიცია ინციდენტში სწრაფად ჩაერია და ჩხუბის მონაწილეები გააშველა. „ურაკანის“ ერთ-ერთი გულშემატკივარი დააკავეს და შემთხვევის ადგილიდან ხელბორკილებით გაიყვანეს.
ინციდენტის მიუხედავად, არგენტინის ნაკრების მხარდასაჭერი აქცია მაინც შედგა. გულშემატკივართა უმრავლესობა ტრადიციულ სიმღერებს მღეროდა და სკანდირებდა: „ვინც არ ხტება — ინგლისელია“.
