აგირე: “კეინის შესაჩერებლად კოლექტიური მუშაობაა საჭირო“

მექსიკის ეროვნული ნაკრები მსოფლიო ჩემპიონატის მერვედფინალში „აცტეკაზე“ ინგლისს უმასპინძლებს. მატჩის წინ, ხავიერ აგირემ ჟურნალისტებთან ისაუბრა.

რა თქვა აგირემ?

„ჩვენი ყველაზე დიდი ძალა გუნდურობაა. ამ ნაკრებში არავინ ფიქრობს საკუთარ თავზე — ყველა საერთო მიზნისთვის მუშაობს. ინგლისს მსოფლიოს დონის ფეხბურთელები ჰყავს. ისინი ფიზიკურად ძალიან ძლიერები არიან და ჰარი კეინი განსაკუთრებული ფეხბურთელია.

კეინის შეჩერება ერთი მცველის საქმე არ არის. ამისთვის კოლექტიური მუშაობაა საჭირო. ზეწოლა ეროვნულ ნაკრებში ყოველთვის არსებობს, მაგრამ ეს უკეთესს გხდის. ინგლისის დასამარცხებლად თითქმის იდეალური მატჩი უნდა ჩავატაროთ და შესაძლოა, ცოტა იღბალიც დაგვჭირდეს.

ზეწოლა ეროვნულ ნაკრებში ყოველთვის არსებობს, მაგრამ ეს უკეთესს გხდის. ინგლისის დასამარცხებლად თითქმის იდეალური მატჩი უნდა ჩავატაროთ და შესაძლოა, ცოტა იღბალიც დაგვჭირდეს.“

ცნობისთვის, 1966 წლის შემდეგ, მექსიკის ეროვნულ ნაკრებს „აცტეკაზე“ მხოლოდ 2 მატჩი აქვს წაგებული - კოსტა რიკასთან და ამერიკასთან.

მექსიკისა და ინგლისის მომავალი მატჩი 6 ივლისით თარიღდება და თბილისის დროით 04:00-დან დაიწყება.