იამალის საიდუმლო ბეტმენის ყელსაბამი | ნივთი, რომელზეც ყველა საუბრობს

მუნდიალის 1/16-ფინალში ესპანეთმა ავსტრია 3:0 დაამარცხა. ოიარზაბალმა დუბლი შეასრულა, მას საგოლე პასები კუკურელიამ გაუკეთა, ერთი გოლი ბაენას პასით პედრო პორომ შეაგდო.

„ფურია როხას'' შემადგენლობაში ლამინ იამალი ერთ-ერთი საუკეთესო იყო. მიუხედავად იმისა, რომ მის აქტივში საგოლე პასი არაა, ტრადიციულად მაღალ დონეზე ითამაშა, FIFA-მ მატჩის საუკეთესო მოთამაშედ დაასახელა.

იამალი ყურადღების ცენტრში მატჩის დაწყებამდეც მოექცა,  ყურადღება ერთი დეტალით მიიპყრო, რომელიც შეუმჩნეველი ვერავის დარჩებოდა, შთამბეჭდავი ყელსაბამი უზარმაზარი მედალიონით, მასზე ბეტმენის სახეა გამოსახული.

როგორც MARCA წერს, იამალის ყელსაბამის კადრები სოციალურ მედიაში ვირუსულად გავრცელდა, ათასობით გულშემატკივრის ინტერესი გამოიწვია. სოციალურ მედიაში ერთი და იგივე კითხვა მეორდებოდა: რა შეიძლება ღირდეს ეს ყელსაბამი?

აღნიშნულ სამკაულზე ოფიციალური მონაცემები არ მოიპოვება. არ გახმაურებულა არც მისი დამამზადებელი იუველირის ვინაობა და არც ზუსტი ფასი. გასაყიდად მსგავსი იდენტური მოდელი არ არსებობს, რაც იმაზე მიანიშნებს, რომ ეს სრულიად ექსკლუზიური, პერსონალურად ესპანელი ფეხბურთელისთვის შექმნილი ნამუშევარია.

ოფიციალური ინფორმაციის არარსებობის გამო, ზუსტად იმის გაგება, თუ რამდენი გადაიხადა ფეხბურთელმა ამ ექსკლუზიურ სამკაულში, შეუძლებელია. თუმცა, ლუქს კლასის ბაზარზე სპეციალიზებული იუველირების მიერ შესრულებულ მსგავს ნამუშევრებზე დაყრდნობით, ზოგიერთი ვარაუდით, მისი ღირებულება 130 000-დან 150 000 ევრომდე მერყეობს.

ნებისმიერ შემთხვევაში, ეს არის მიახლოებითი ციფრი, რომელიც მსგავსი მახასიათებლების მქონე პერსონალიზებული ყელსაბამების ფასს ეფუძნება. სამკაულის რეალური ღირებულება კვლავ გამოცანად რჩება, რადგან არც მოთამაშის გარემოცვას და არც სავარაუდო მწარმოებელს დეტალები არ გაუმჟღავნებიათ.

ფეხბურთელის გატაცება პერსონალიზებული ძვირფასეულობით სიახლეს არ წარმოადგენს. ბოლო თვეების განმავლობაში მან რამდენიმე ექსკლუზიურად მისთვის შექმნილი ნივთი მოირგო. მათ შორისაა:

ყელსაბამი ციფრებით „304“: როკაფონდას (მატაროს უბანი, სადაც ის გაიზარდა) საფოსტო კოდის პატივსაცემად.

ჯაჭვი ინიციალებით „LY“: რომლის ღირებულებაც ცნობილია და დაახლოებით 400 000 ევროს შეადგენს.