სამედიცინო შემოწმება გაიარა | ლოჩოშვილის კიოლნში ტრანსფერის დეტალები
ავტორიტეტულმა გერმანელმა ჟურნალისტმა, ფლორიან პლეტენბერგმა დაადასტურა, რომ ლუკა ლოჩოშვილი კარიერას „კიოლნში“ გააგრძელებს. პლეტენბერგმა სოციალურ ქსელში პოსტი გამოაქვეყნა და ტრანსფერის დეტალებზე დაწერა.
„ნიურნბერგსა“ და „კიოლნს“ შორის შეთანხმება მიღწეულია და გარიგების ღირებულება 5 მილიონ ევროზე ოდნავ ნაკლებს შეადგენს, რასაც გარკვეული ბონუსები დაემატება. ლოჩოშვილმა „კიოლნში“ სამედიცინო შემოწმება დღეს გაიარა და კლუბთან 2029 წლის ზაფხულამდე გათვლილ ხელშეკრულებას გააფორმებს.
???????? Luka Lochoshvili to 1. FC Köln - DONE DEAL ✔️
— Florian Plettenberg (@Plettigoal) July 2, 2026
Full agreement reached with 1. FC Nürnberg, post Geissblog. Transfer fee worth less than €5m guaranteed + add-ons. Medical completed today. #Effzeh
The 28 y/o centre-back will sign a contract until 2029. @Sky_Marlon89 ???????? pic.twitter.com/Xkz4EcGwt3
ცნობისთვის, ლოჩოშვილმა გასული სეზონი „ნიურნბერგის“ რიგებში გაატარა და ბუნდესლიგა 2-ის ერთ-ერთი საუკეთესო მცველი იყო. მოგებული საჰაერო ორთაბრძოლების (126), ორთაბრძოლების მოგების პროცენტული მაჩვენებლისა (62,4%) და ზუსტი პასების (88,4%) მიხედვით იგი ბუნდესლიგა 2-ის საუკეთესო ოცეულში შევიდა. ამას ემატება შთამბეჭდავი 7 საგოლე მოქმედება (5 გოლი, 2 საგოლე გადაცემა).
