არსენალი მზადაა ატლეტიკოს მოთხოვნილი თანხა გადაიხადოს, თუმცა...
„ატლეტიკომ“ „არსენალს“ აცნობა, თუ რა თანხის მიღება სურს ხულიან ალვარესის სანაცვლოდ.
დღეს „ატლეტიკომ“ ოფიციალურად გამოაცხადა, რომ 26 წლის არგენტინელს „ბარსელონას“ არ მიჰყიდის: „მოლაპარაკებები არ ყოფილა და არც იქნება. დარწმუნებულნი ვართ, რომ მოთამაშე ამ გადაწყვეტილებას გაიგებს და მთელ ძალებს ჩადებს“.
ცნობილი ინსაიდერი ბენ ჯეიკობსი ამტკიცებს, რომ გასულ კვირას მადრიდული კლუბის წარმომადგენლები ლონდონს ესტუმრნენ, რათა „არსენალთან“ ხულიანის გაყიდვა განეხილათ. კლუბის წყაროები ინგლისის დედაქალაქში ვიზიტის გასაღებას „ჩელსის“ თავდამსხმელის, ნიკოლას ჯექსონის ტრანსფერზე მოლაპარაკებების რაუნდად ცდილობდნენ, თუმცა რეალური მიზანი ალვარესის მომავალი იყო.
Atletico Madrid sent a delegation to London last week to speak to Arsenal about selling Julian Alvarez.
— Ben Jacobs (@JacobsBen) August 27, 2026
The La Liga club are adamant they won’t sanction a transfer to Barcelona, and have since published a board statement confirming this position.
Atleti sources had tried to… pic.twitter.com/GY1QFXx9Y0
„ატლეტიკომ“ აცნობა „არსენალს“, რომ მსოფლიო ჩემპიონთან დაკავშირებით 120 მილიონ ფუნტზე (140 მილიონ ევროზე) მეტ შეთავაზებებს განიხილავს. „მეთოფეები“ მზად არიან შეთავაზება გააკეთონ, თუ თავად ფეხბურთელი მათთან გადასვლას დათანხმდება. ლონდონელები ასევე იმედოვნებენ, რომ მადრიდელები გარიგების სტრუქტურის კუთხით მოქნილობას გამოიჩენენ.
ბოლო ცნობებით, ალვარესი კვლავ ყველანაირ შეთავაზებას ბლოკავს და მხოლოდ „ბარსელონაში“ თამაში სურს.
შეგახსენებთ, რომ სატრანსფერო ფანჯარა 31 აგვისტოს იხურება.
