ნიკოლა პეპეს დუბლი - კოტ-დივუარის პირველი პლეიოფი მუნდიალზე
მსოფლიო ჩემპიონატზე E ჯგუფში მესამე ტურის მატჩები გაიმართა. ფილადელფიაში კოტ-დ’ივუარმა კურასაოს 2:0 მოუგო.
ანგარიში მეშვიდე წუთზე გაიხსნა - იან დიომანდეს პასის შემდეგ თავი ნიკოლა პეპემ გამოიჩინა. მეორე ტაიმი კურასაომ კარგად დაიწყო, თუმცა 64-ე წუთზე კუნძულელებმა მეორე გოლი გაუშვეს: პეპემ დუბლი გაიფორმა, ასისტენტის როლში კი იბრაჰიმ სანგარე მოგვევლინა.
ამ გამარჯვებით კოტ-დ’ივუარი 6 ქულით ჯგუფში მეორე ადგილზე გავიდა და 1/16 ფინალში საფრანგეთს ან ნორვეგიას შეხვდება.
რაც შეეხება ამ ჯგუფში პარალელურად გამართულ კიდევ ერთ მატჩს - ეკვადორმა გერმანიას 2:1 მოუგო და მესამე ადგილიდან პლეიოფში გასვლა გაინაღდა.
