კარგი თამაში დაუფასდა | გუგეშაშვილი ტურის სიმბოლურში მოხვდა

ბერძნულ „ატრომიტოსში“ ლუკა გუგეშაშვილის დებიუტი შედგა. ქართველი მეკარე „პაოკმა“ იჯარის წესით გაუშვა და საბერძნეთის სუპერ ლიგის 23-ე ტურში, უმაღლეს დონეზე ითამაშა. „ატრომიტოსმა“ „პანსერაიკოსი“ 1:0 დაამარცხა, რაშიც გუგეშაშვილმა უდიდესი წვლილი შეიტანა.

მან მეორე ტაიმში პენალტი მოიგერია, კარი მშრალად შეინახა და მატჩის საუკეთესო მოთამაშედ დასახელდა. Sofascore-მა ქართველი გოლკიპერის თამაში 8.4 ქულით შეაფასა. ლუკას კარგი თამაში დაუფასდა და ცნობილმა სტატისტიკურმა სააგენტომ ის ტურის სიმბოლურ ნაკრებში შეიყვანა.

საქართველოს ეროვნული ნაკრების 26 წლის მეკარე 2025 წლის ზაფხულიდან პაოკ-ის საკუთრებაა, სეზონის პირველ ნახევარში რაზვან ლუჩესკუს გუნდში სათამაშო დრო ვერ მიიღო და ზამთარში იჯარით „ატრომიტოსს“ შეუერთდა.