NBA-ის ყველა ვარსკვლავის მატჩი | ენტონი ედვარდსი MVP გახდა
„ლოს ანჯელეს კლიპერსის“ საშინაო არენაზე, „ინთუით დოუმში“ NBA-ის 2026 წლის ყველა ვარსკვლავის მატჩი გაიმართა. „ოლ სტარზე“ განსხვავებული ფორმატი ვიხილეთ და აშშ-ის ორი ნაკრები (ვარსკვლავები და ხაზები) მსოფლიო ნაკრებს დაუპირისპირდა.
პირველ თამაშში ერთმანეთს მსოფლიო ნაკრები და აშშ-ის გუნდი, „ვარსკვლავები“ შეხვდნენ. მატჩი ერთ მეოთხედს, 12 წუთს გაგრძელდა და გამარჯვებულის გამოსავლენად ოვერტაიმი დაინიშნა - 32:32. საბოლოოდ, მსოფლიო ნაკრები 35:37 დამარცხდა.
მეორე შეხვედრაში ერთმანეთს აშშ-ის ორი გუნდი, „ვარსკვლავები“ და „ხაზები“ დაუპირისპირდნენ. საკმაოდ დაძაბულ და საინტერესო მატჩში „ხაზებმა“ 42:40 მოიგეს. მესამე შეხვედრაში „ხაზებმა“ მსოფლიო ნაკრები 48:45 დაამარცხეს და ფინალში ერთმანეთს აშშ-ის ორი ნაკრები დაუპირისპირდა. საჩემპიონო თამაში ცალმხრივი გამოდგა და „ვარსკვლავებმა“ „ხაზებს“ 47:21 მოუგეს.
„ოლ სტარის“ MVP ენტონი ედვარდსი გახდა, რომელმაც სამ შეხვედრაში ჯამში 32 ქულა ჩააგდო. გამარჯვებული გუნდის შემადგენლობა: კეიდ კანინგემი, ტაირიზ მაქსი, სკოტი ბარნსი, დევინ ბუკერი, ჯეილენ დურენი, ენტონი ედვარდსი, ჩეტ ჰოლმგრენი, ჯეილენ ჯონსონი.
