„კონტაქტი არის, შეთანხმება არა“ - გულიაშვილი აიკში არ გადავა?
ბოსნია & ჰერცეგოვინულ მედიაში, გიორგი გულიაშვილის „სარაევოდან“ აიკ-ში შესაძლო ტრანსფერზე ახალი ინფორმაცია ხდება ცნობილი.
ადგილობრივი სააგენტო sportske.ba ცნობილ იტალიელ ჟურნალისტზე, ლორენცო ლეპორეზე დაყრდნობით წერს, რომ ბოსნიურ და შვედურ გუნდებს შორის შეთანხმება არ არსებობს და დიდი ალბათობით, ზამთრის სატრანსფერო ფანჯარაზე გულიაშვილი „სარაევოს“ არ დატოვებს.
რა წერია სტატიაში:
იტალიელმა ჟურნალისტმა, ლორენცო ლეპორემ უარყო ბოლო დღეებში ბოსნია-ჰერცეგოვინას მედიის ნაწილში გავრცელებული ინფორმაცია გიორგი გულიაშვილის თითქოსდა შემდგარი ტრანსფერის შესახებ.
როგორც ლეპორემ გამოაქვეყნა, სტოკჰოლმის „აიკი“ და „სარაევო“ ამ დროისთვის არ არიან ახლოს შეთანხმებასთან ქართველი ფეხბურთელის ტრანსფერზე, მიუხედავად იმ მტკიცებებისა, რომ გარიგება უკვე დასრულებულია.
მისი ინფორმაციით, მოლაპარაკებები ჯერ კიდევ ადრეულ ეტაპზეა და ორ კლუბს შორის კონკრეტული შეთანხმება არ არსებობს. ლეპორემ ხაზგასმით აღნიშნა, რომ ტრანსფერი რეალიზებისგან შორს არის და ამ მომენტში არ შეიძლება საუბარი დასრულებულ ან თითქმის შეთანხმებულ გარიგებაზე.
Understand that #AIK and #FKSarajevo are not close to agreeing a deal over #Guliashvili’s move, despite Bosnian outlets claiming it is a done deal.
— Lorenzo Lepore (@lorenzooleporee) December 24, 2025
The deal is neither done nor close at this stage ❌@SVFootball_com | @BalkansSports_ #SVFootball #BalkansSports pic.twitter.com/LQOZCtofEY
24 წლის გიორგი გულიაშვილმა ბოსნია & ჰერცეგოვინას ჩემპიონატის მიმდინარე სეზონში 18 მატჩი ჩაატარა, 1 გოლი გაიტანა და 8 საგოლე გადაცემა შეასრულა. „სარაევო“ ახლა საახალწლო შესვენებაზეა გასული და მომდევნო შეხვედრას 7 იანვარს, საკუთარ მოედანზე „რადნიკის“ წინააღმდეგ ჩაატარებს.
