გულიაშვილი გოლთან ახლოს იყო - რასინგმა მირანდესს მოუგო
ლა ლიგა 2-ის 25-ე ტურში, გიორგი გულიაშვილის „რასინგ სანტანდერმა“ „მირანდესს“ უმასპინძლა ანგარიშით 1:0 დაამარცხა.
ქართველი შემტევი სასტარტო შემადგენლობაში იყო და მოედანზე 88 წუთი გაატარა. 41-ე წუთზე გიორგის ძალიან კარგი შანსი ჰქონდა და გოლამდე ცოტა დააკლდა. Sofascore-მა ის 6.1 ქულით შეაფასა.
შეგახსენებთ, რომ „რასინგში“ გიორგი გულიაშვილის დებიუტი კოპა დელ რეიზე, 15 იანვარს შედგა, სადაც მისი გუნდი საკუთარ მოედანზე „ბარსელონას“ დაუპირისპირდა და 2:0 დამარცხდა. ესპანურმა კლუბმა ქართველი ფეხბურთელი იანვარში, „სარაევოდან“ შეიძინა.
გეტყვით ასევე, რომ 25 ტურის შემდეგ, „რასინგი“ ლა ლიგა 2-ის სატურნირო ცხრილში 47 ქულით პირველ ადგილს იკავებს და მთავარ ლიგაში დაწინაურების რეალური შანსი აქვს. გიორგი გულიაშვილის გუნდი მომდევნო შეხვედრას 15 თებერვალს, სტუმრად „ეიბართან“ გამართავს.
