ისტორიაში მეოთხედ - ფლამენგომ კოპა ლიბერტადორესი მოიგო
კოპა ლიპერტადორესის ფინალში ბრაზილიური დაპირისპირება ვიხილეთ, სადაც ჩემპიონის ტიტულისთვის პალმეირასი და ფლამენგო იბრძოდნენ.
გამარჯვება დანილოს ერთადერთი გოლის წყალობით ფლამენგომ მოიპოვა. მადრიდის რეალისა და მანჩესტერ სიტის ყოფილმა ფეხბურთელმა გოლის გატანა 67-ე წუთზე მოახერხა.
მატჩი საკმაოდ უხეში გამოდგა. მსაჯმა 33 ჯარიმა დანიშნა და 7 ყვითელი ბარათი ამოიღო. მომენტებიც საკმაოდ მრავლად იყო. გულშემატკივრებმა საინტერესო ფინალი იხილეს.
ცნობისთვის, ფლამენგომ კოპა ლიბერტადორესი ისტორიაში მეოთხედ მოიგო. ამ მხრივ რეკორდსმენი ინდეპენდიენტე გახლავთ, რომელმაც 7-ჯერ იზეიმა ტიტული.
მეორე ადგილზე ბოკა ხუნიორსია 6 ტიტულით, ხოლო მესამე პოზიციას დღევანდელ ფინალში დამარცხებული პალმეირასი(5) იკავებს.
