ვარდნაში გოლის გატანა შეეძლო - კვერნაძის ფროზინონემ რეჯანას მოუგო

იტალიის სერია ბ-ს მე-14 ტურში გიორგი კვერნაძის „ფროზინონე“ „რეჯანას“ ესტუმრა და 1:0 მოიგო. ერთადერთი გოლი 56-ე წუთზე ილიას კუცუპიასმა გაიტანა.

ქართველი შემტევი ძირითად შემადგენლობაში, მარცხენა გარემარბის პოზიციაზე მოგვევლინა და პირველ ტაიმში გოლის გატანაც შეეძლო, თუმცა ვარდნაში დარტყმა სუსტი გამოუვიდა.

კვერნაძის საუკეთესო მომენტები

კვერნაძემ 75 წუთი ითამაშა და Sofascore-ისგან 7.2-იანი შეფასება დაიმსახურა. მისი სტატისტიკა ასეთი იყო: 2 დარტყმა, 1 დარტყმა კარში, 1 დაბლოკილი დარტყმა, 47 შეხება ბურთთან, 3-დან 2 წარმატებული დრიბლინგი, 2 ზუსტი ჩაწოდება, 15-დან 9 ზუსტი პასი (60%), 15-დან 10 მოგებული ორთაბრძოლა. კვერნაძემ 13-ჯერ დაკარგა ბურთი და 2-ჯერ დაჯარიმდა.

14 ტურის შემდეგ კვერნაძის გუნდი 28 ქულით სატურნირო ცხრილის მეორე ადგილზეა. მომდევნო მატჩს „ფროზინონე“ 8 დეკემბერს სტუმრად, „იუვე სტაბიას“ წინააღმდეგ გამართავს.