თორნიკე შენგელია, თად მაკფადენი
Aa
Aa

18 ქულით წაგებული მეორე ტაიმი | საქართველოს ნაკრები უკრაინასთან დამარცხდა

საქართველოს საკალათბურთო ნაკრებმა მსოფლიო ჩემპიონატის საკვალიფიკაციო ეტაპის პირველი შეხვედრა გამართა. ალექსანდარ ჯიკიჩის გუნდი საკუთარ არენაზე უკრაინას დაუპირისპირდა და მატჩი სტუმართა გამარჯვებით დასრულდა - 79:92.

შეხვედრა ჩვენი უპირატესობით დაიწყო და 9:4 დავწინაურდით, რასაც უკრაინამ 7:0 გაქცევით უპასუხა და ორი ქულით წინ გავიდა - 11:9. მომდევნო ორი წუთის განმავლობაში საქართველომ მეტოქეს ქულა არ ჩააგდებინა და დუდა სანაძის ორიანით, თად მაკფადენის სამქულიანითა და ჯარიმებით 15:11 დააფიქსირა.

პირველი მეოთხედის ბოლოს, საქართველოს ნაკრებმა 10-ქულიანი უპირატესობა მოიპოვა და შესვენებაზე 8 ქულით ვიგებდით - 23:15. მეორე პერიოდში უკრაინამ ჩამორჩენა 5 ქულამდე შეამცირა, თუმცა სანაძისა და მაკფადენის სამქულიანებითა და შენგელიას ქულებით 10-ქულიანი ფორა დავიბრუნეთ - 40:30. პირველი ტაიმის ბოლო ჩავაგდეთ და დიდ შესვენებაზე ანგარიში 48:43 იყო.

საქართველოს ნაკრებმა მეორე ტაიმი ძალიან ცუდად დაიწყო. უკრაინელებმა ჯერ ანგარიში გაათანაბრეს, შემდეგ ხუთი ქულით გავიდნენ წინ - 64:59. სტუმრებმა მესამე მეოთხედი 23:13 მოგვიგეს და გადამწყვეტი მეოთხედის დაწყებამდე 5 ქულით იგებდნენ - 66:61.

მეოთხე ათწუთეული კარგად დავიწყეთ და ჩამორჩენა 1 ქულამდე დავიყვანეთ, თუმცა უკრაინელებმა 9:2 გაქცევა გააკეთეს და მატჩის დასრულებამდე ოთხ-ნახევარი წუთით ადრე, 78:70-ს იგებდნენ. მალევე, ისინი 11 ქულითაც გავიდნენ წინ და საქართველო თამაშში ვეღარ დაბრუნდა - 79:92.

საქართველოს ნაკრების რიგებში საუკეთესო დუდა სანაძე იყო - 22 ქულა, 5 მოხსნა. თორნიკე შენგელიამ და თად მაკფადენმა 17-17 ქულა მიითვალეს, ხოლო გიორგი შერმადინმა 7 ქულა დააგროვა. უკრაინელთა მხრიდან ფენომენალური იყო ოლექსანდრ კოვლიარი, რომელმაც 31 ქულა, 6 მოხსნა და 6 ასისტი მიითვალა. ოლექსანდრ ლიპოვიმ 13 ქულა დააგროვა. ჩვენი გუნდი მომდევნო შეხვედრას სამი დღის შემდეგ, ესპანეთთან გამართავს.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    პიმბლეტი და გეიჯი UFC 324-ზე იჩხუბებენ | ილია მათ გამარჯვებულს შეხვდება
    პიმბლეტი და გეიჯი UFC 324-ზე იჩხუბებენ | ილია მათ გამარჯვებულს შეხვდება