ბითაძის 4 ქულა და 4 მოხსნა - ორლანდომ ოვერტაიმში ჰიუსტონთან წააგო

ნაციონალური საკალათბურთო ასოციაციის (NBA) მორიგ ტურში გოგა ბითაძის „ორლანდო მეჯიქი“ „ჰიუსტონ როკეტსს“ ესტუმრა და ოვერტაიმში 113:117 დამარცხდა.

ქართველმა კალათბურთელმა პარკეტზე 15:33 წუთი გაატარა და ამ დროის განმავლობაში 4 ქულას, 4 მოხსნას (3 შეტევაში, 1 დაცვაში), 1 შედეგიან გადაცემას, 1 დაფარებას და 1 ჩაჭრას მოუყარა თავი. გოგამ 2-დან 1 ორქულიანი და 4-დან 2 საჯარიმო ჩააგდო.

ბითაძის გამორჩეული მომენტები

პაოლო ბანკეროს არყოფნაში „მეჯიქს“ ფრანც ვაგნერმა ულიდერა - 29 ქულა, 5 მოხსნა, 4 ასისტი. დესმონდ ბეინს 26 ქულა ჰქონდა, ენტონი ბლექს კი 18. რაც შეეხება „ჰიუსტონს“, კევინ დურანტმა 35 ქულას, 5 მოხსნა და 6 შედეგიანი გადაცემა დაუმატა, ხოლო ალპერენ შენგუნმა ორმაგი დუბლი გაიფორმა - 30 ქულა, 12 მოხსნა, 8 ასისტი.

14 მატჩის შემდეგ „ორლანდო“ 7 მოგებითა და 7 წაგებით აღმოსავლეთ კონფერენციის მეათე ადგილზეა. მომდევნო მატჩს გოგა ბითაძის გუნდი 19 ნოემბერს საკუთარ კედლებში „გოლდენ სტეიტ უორიორსის“ წინააღმდეგ გამართავს.