მარსელმა და რეალმა სებალიოსის ტრანსფერი შეათანხმეს
დანი სებალიოსი „რეალიდან“ „მარსელში“ გადასვლასთან ახლოსაა. ამის შესახებ RMC Sport-ი წერს.
გამოცემის ინფორმაციით, კლუბები 29 წლის ნახევარმცველის ტრანსფერზე უკვე შეთანხმდნენ. გარიგების ღირებულება ჯერჯერობით უცნობია.
შეგახსენებთ, რომ ესპანელმა ფეხბურთელმა გასულ სეზონში 45 მატჩი ჩაატარა. ის სამეფო გუნდს ღირსებას 2017 წლიდან იცავს.
Transfermarkt-ზე მისი საბაზრო ღირებულება 10 მილიონ ევროს შეადგენს.
