ოლივეირას მომდევნო მეტოქე ფიზიევი იქნება

UFC-ის ყოფილი ჩემპიონის, ჩარლზ ოლივეირას მომდევნო მეტოქე ცნობილია.

„დუ ბრონქსი“ აზერბაიჯანელ რაფაელ ფიზიევს დაუპირისპირდება. მათი ბრძოლა რიო დე ჟანეიროში, 11 ოქტომბერს გაიმართება და ტურნირის მთავარი მოვლენა იქნება.

შეგახსენებთ, რომ UFC 317-ზე, ჩარლზ ოლივეირა ილია თოფურიასთან დამარცხდა. „ელ მატადორმა“ ის პირველივე რაუნდში გათიშა და UFC-ს მსუბუქი წონითი დივიზიონის საჩემპიონო ქამარს დაეუფლა.

ბრაზილიელი მებრძოლის ანგარიშზე 35 გამარჯვება და 11 მარცხია.

რაც შეეხება ფიზიევს, მან ბოლოს იგნასიო ბაჰამონდესთან იჩხუბა და ის მსაჯების ერთსულოვანი გადაწყვეტილებით დაამარცხა.