ჟოან გარსიამ ბარსელონასთან კონტრაქტი გააფორმა | რომანო
ჟოან გარსია „ბარსელონაში“ გადავიდა. ინფორმაციას ფაბრიციო რომანო ავრცელებს.
ცნობილი ჟურნალისტისა და სატრანსფერო ექსპერტის ცნობით, 24 წლის ესპანელმა მეკარემ „ბლაუგრანასთან“ 5-წლიანი კონტრაქტი გააფორმა.
შეგახსენებთ, რომ გარსია მანამდე „ესპანიოლში“ თამაშობდა. მან თავი მიმდინარე სეზონში დიდებულად წარმოაჩინა და გულშემატკივრებს თავი არაერთი გამორჩეული მოგერიებით დაამახსოვრა.
ასევე გეტყვით, რომ ჟოანი ესპანიოლის აკადემიის აღზრდილი გახლავთ და პირველ გუნდში 2021 წლიდან თამაშობს. 24 წლის მეკარე ესპანეთის ყველა ასაკობრივ ნაკრებში თამაშობდა.
