ოფიციალურად - ალეგრიმ მილანი ჩაიბარა
მასიმილიანო ალეგრი „მილანის“ მთავარი მწვრთნელი გახდა. ამის შესახებ ინფორმაცია თავად კლუბმა გაავრცელა.
57 წლის იტალიელმა ამ პოსტზე პორტუგალიელი სერჟიუ კონსეისაუ შეცვალა, რომელიც იტალიურ გრანდს გასული წლის დეკემბერში ჩაუდგა სათავეში.
გავრცელებული ინფორმაციით, 57 წლის სპეციალისტთან კონტრაქტი 3 წლითაა გათვლილი, მისი ხელფასი კი სეზონზე 5 მილიონი ევრო იქნება.
შეგახსენებთ, რომ მასიმილიანო „მილანს“ 2010-2014 წლებშიც წვრთნიდა, მისი ბოლო სამუშაო ადგილი კი „იუვენტუსი“ იყო.
