სეზონის საუკეთესო ტრანსფერები | რომელ ადგილზეა კვარაცხელიას ტრანსფერი

ავტორიტეტულმა სპორტულმა გამოცემამ Goal.com-მა ხვიჩა კვარაცხელიას ტრანსფერი „ნაპოლიდან“ „პარი სენ-ჟერმენში“ გასული სეზონის საუკეთესო ტრანსფერების ჩამონათვალში შეიყვანა.

ქართველი ფეხბურთელის ტრანსფერი, რომელიც პარიზულ კლუბს 70 მილიონი ევრო დაუჯდა, გამოცემამ მე-14 ადგილზე დააყენა.

„ხვიჩა კვარაცხელიამ სახელი „ნაპოლიში“ თამაშისას გაითქვა, მაგრამ მან სწრაფად მოახერხა საფრანგეთის ჩემპიონ, პსჟ-თან ინტეგრირება და ახლა ევროპის ერთ-ერთი საუკეთესო ფეხბურთელია. ქართველმა შემტევმა ჩამოაყალიბა გამანადგურებელი ტრიო უსმან დემბელესთან და დეზირე დუესთან ერთად და აოცებს გულშემატკივრებს თავისი მოულოდნელი გადაწყვეტილებებით.

პსჟ-ს შეუძლია, ელოდოს კვარაცხელიასგან ჯადოქრობას მატჩის ნებისმიერ მომენტში, იქნება ეს რამდენიმე მცველის მოტყუება, შორეულ ზედა კუთხეში ძ₾ძლიერი დარტყმა თუ იდეალური ასისტი. 24 წლის შემტევმა მეტი გოლი უნდა გაიტანოს, თუმცა მისი გავლენა პსჟ-ის თამაშზე ძალიან დიდია. არ იქნება გასაკვირი, თუ ჩემპიონთა ლიგის ფინალში მისი თამაში გარდამტეხი გახდება“, - წერს გამოცემა.

საუკეთესო ტრანსფერად კი აღიარებულია კილიან მბაპეს გადასვლა პსჟ-დან „რეალში“ - ფრანგი ფეხბურთელი „სამეფო კლუბს“ თავისუფალი აგენტის სტატუსით შეუერთდა.

პირველ ხუთეულში ასევე მოხვდნენ ჟოაუ ნევეში, მაიკლ ოლისე, სკოტ მაკტომინეი და დეზირე დუე, სრული რეიტინგი კი ასე გამოიყურება:

1. კილიან მბაპე (პარი სენ-ჟერმენიდან რეალში, თავისუფალი აგენტი);

2. ჟოაუ ნევეში (ბენფიკადან პარი სენ-ჟერმენში, 59 მილიონი გირვანქა);

3. მაიკლ ოლისე (კრისტალ პალასიდან ბაიერნში, 50 მილიონი გირვანქა);

4. სკოტ მაკტომინი (მანჩესტერ იუნაიტედიდან ნაპოლიში, 26 მილიონი გირვანქა);

5. დეზირე დუე (რენიდან პარი სენ-ჟერმენში, 42 მილიონი გირვანქა);

6. მეისონ გრინვუდი (მანჩესტერ იუნაიტედიდან მარსელში, 27 მილიონი გირვანქა);

7. რომელუ ლუკაკუ (ჩელსიდან ნაპოლიში, 25 მილიონი გირვანქა);

8. ვიქტორ ოსიმენი (ნაპოლიდან გალათასარაიში, იჯარა);

9. სერუ გირასი (შტუტგარტიდან დორტმუნდში, 15 მილიონი გირვანქა);

10. მატეო რეტეგი (ჯენოადან ატალანტაში, 24 მილიონი გირვანქა);