მეორე გამარჯვება | საქართველოს ყინულის ჰოკეის ნაკრებმა ახალ ზელანდიას მოუგო

ახალი ზელანდიის ქალაქ დანიდინში მიმდინარე 2025 წლის ყინულის ჰოკეის მსოფლიო ჩემპიონატის მე-2 დივიზიონის B ჯგუფის მეორე შეხვედრაში, საქართველოს ნაკრები ტურნირის მასპინძელს დაუპირისპირდა. ალექსანდრე ვედერნიკოვის გუნდმა შესანიშნავად იასპარეზა და მეტოქე 5:0 დაამარცხა.

საქართველოს ნაკრებმა პირველი პერიოდი 2:0 მოიგო და გოლები ტიმურ ბეშაროვმა და მაკარ ნიკაშანინმა გაიტანეს. მეორე პერიოდში იგივე ანგარიში დაფიქსირდა და გოლები ბეშაროვმა და დანიელ მეტლიუკმა მიითვალეს, ბოლო გოლი კი დანიელ დავიდოვმა მიითვალა.

ცნობისთვის, საქართველოს ნაკრებს 2-დან 2 მოგება აქვს და პირველ ადგილზე იმყოფება. ახალ ზელანდიასთან მატჩამდე, ჩვენმა გუნდმა ისლანდიას 4:0 მოიგო. აღნიშნული ორი ნაკრების გარდა, ჩვენი მეტოქეები ტაივანი, ტაილანდი და ბულგარეთი არიან. პირველ ადგილზე გასული გუნდი მომავალი წლიდან მეორე დივიზიონის A ჯგუფში ითამაშებს, ბოლოადგილოსანი კი მესამე დივიზიონში დაქვეითდება.

საქართველოს ნაკრების შემადგენლობა:

მეკარეები: მიხეილ ფოფანოვი, ივან სტაროსტინი;

მცველები: დიმიტრი ერმოშენკო, არტიომ კურბატოვი, ანდრეი რომანოვი, კონსტანტინე გავრილენკო;

ფორვარდები: სანდრო მუმლაძე, სემიონ ხარიზოვი, ვიტალი დუმბაძე, ტიმურ ბეშიროვი, ნიკიტა ბუკია, ბორის კოჩკინი, დანიელ მეტლიუკი, ოლივერ ობოლგოგიანი, ივან შვეცოვი, დანიელ დავიდოვი, არტიომ კოზიულინი, ნიკოლოზ კეჭაყმაძე, მაკარ ნიკაშანინი, მიხეილ დავითაშვილი, ივან კარელინი;

მთავარი მწვრთნელი: ალექსანდრე ვედერნიკოვი;

მწვრთნელის ასისტენტი: რევაზ ცომაია.