ჩემპიონობა დროებით გადაიდო - იბერია 1999-მა ქულები დაკარგა
ჩემპიონობისთვის მებრძოლმა იბერია 1999-მა კოლხეთი 1913-ს უმასპინძლა და ქულები დაკარგა. მატჩი ფრედ 1:1 დასრულდა.
ანგარიში მე-7 წუთზე კოხრეიძემ გახსნა და მასპინძლებმა პირველი ტაიმი 1:0 მოიგეს. მეორე ნახევარში სტუმართა გუნდმა კოლოსალური უპირატესობა მოიპოვა.
73-ე წუთზე ახალაძემ წონასწორობა აღადგინა. იბერიას წინ გასვლა შეეძლო, მაგრამ 79-ე წუთზე კოხრეიძემ პენალტი ვერ გამოიყენა.
შეგახსენებთ, რომ დღეს გამარჯვების შემთხვევაში, იბერია Crystalbet ეროვნული ლიგის ჩემპიონი ხდებოდა, თუმცა დროებით გადაიდო. შემდეგ ტურში, კორღალიძის შეგირდები გაგრას ესტუმრებიან.
ცნობისთვის, Crystalbet ეროვნული ლიგის დასრულებამდე 2 ტურია დარჩენილი. იბერია 1999 პირველ პოზიციას 71 ქულით იკავებს, ხოლო მეორე ადგილზე მყოფ ქუთაისის ტორპედოს 67 ქულა აქვს.
კომენტარები
იყავით პირველი, ვინც დაწერს კომენტარს