გუტიერესი “სპორტინგში” გადავიდა
კოლუმბიის ნაკრების თავდამსხმელმა ტეოფილო გუტიერესმა “რივერ პლეიტი” დატოვა და კარიერას “სპორტინგში” განაგრძობს. აღნიშნული ტრანსფერი ლისაბონური კლუბის ოფიციალურმა ვეგვერდმა დაადასტურა.
ტეომ სამედიცინო შემოწმება წარმატებით გაიარა და პორტუგალიურ კლუბთან სამწლიანი კონტრაქტი გააფორმა. არაოფიციალური ცნობის თანახმად, “რივერ პლეიტმა” კოლუმბიელის სანაცვლოდ 2.38 მილიონი ფუნტი მიიღო.
30 წლის ფეხბურთელი არგენტინულ გრანდში 2013 წლიდან თამაშობდა. მან გასულ სეზონში 36 მატჩი ჩაატარა, 19 გოლი გაიტანა და 4 საგოლე გადაცემა მიითვალა.
