ზურგის არეში ტკივილი იგრძნო - ბუდუმ ვარჯიში ვერ დაასრულა
გერმანული მედია არასასიამოვნო ინფორმაციას ავრცელებს. დღეს გამართულ ვარჯიშზე ბუდუ ზივზივაძემ ზურგის არეში ტკივილი იგრძნო და საწვრთნელი პროცესი ნაადრევად დაასრულა.
BNN.DE
„ბუდუ ზივზივაძემ ოთხშაბათის ვარჯიში ზურგის სერიოზული პრობლემების გამო დაასრულა.“
შეგახსენებთ, რომ უკანასკნელად ქართველმა თავდამსხმელმა ამხანაგურ მატჩში „ოფენბახთან“ ითამაშა და ერთი გოლი გაიტანა.
ასევე გეტყვით, ზივზივაძემ მიმდინარე სეზონში „კარლსრუეს“ მაისური ყველა ტურნირზე ერთად 22-ჯერ მოირგო, 7 გოლი გაიტანა და 1 საგოლე გადაცემა შეასრულა.
