შემწვარი გოჭი აჩუქა | როგორ გაახარა ჟოზემ სერხიო რეგილონი
„ტოტენჰემის“ ფეხბურთელმა, სერხიო რეგილონმა, რომელიც იჯარის წესით „მანჩესტერ იუნაიტედში“ თამაშობს, ჟოზე მოურინიოზე ისაუბრა. ესპანელმა უკანახაზელმა „განსაკუთრებულთან“ დაკავშირებით საინტერესო ისტორია გაგვიზიარა და შობის ერთ-ერთი დღესასწაული გაიხსენა.
Sergio Reguilon on his first season in England: "I could tell a thousand wonderful stories about Mourinho. On Christmas Day, he knew I was alone."
— EuroFoot (@eurofootcom) December 25, 2023
"We got to training on the 25th and there was a box in my place. I opened it and it was a suckling pig, ready to eat." ❤️????️ pic.twitter.com/MyustLQPwF
„ჟოზე მოურინიოზე უამრავი საოცარი ისტორიის მოყოლა შემიძლია. მახსოვს, შობის დღეს, იცოდა, რომ მარტო ვიყავი და გადაწყვიტა ჩემთვის საჩუქარი გაეკეთებინა. 25-ში ვარჯიში გვქონდა და გასახდელში დიდი ყუთი დამხვდა. გავხსენი და დავინახე, რომ შიგნით შემწვარი გოჭი იდო.
მოურინიოს როცა შევხვდი, მითხრა: „ვიცი, რომ შობას მარტო ხვდები. ამ საჩუქრის გამო, სადილის მომზადება არ მოგიწევს და თან, გემრიელადაც შეჭამ“.
შეგახსენებთ, რომ მოურინიო „ტოტენჰემში“ 2019-დან 2021 წლამდე მუშაობდა. „დეზების“ დატოვების შემდეგ, მან „რომას“ მიაშურა, სადაც დღემდე დასაქმებულია.
