ელიტ რაუნდი - 17 წლამდელების მეტოქეების ვინაობა ცნობილია
17-წლამდე ფეხბურთელთა ევროპის ჩემპიონატის შესარჩევი ეტაპის ელიტ რაუნდში საქართველოს ნაკრების მეტოქეები ცნობილია.
ცოტა ხნის წინ, შვეიცარიის ქალაქ ნიონში ელიტ რაუნდის კენჭისყრა გაიმართა, რომლის დასრულების შემდეგაც გაირკვა, რომ საქართველოს ფეხბურთელთა 17-წლამდე ნაკრები მე-6 ჯგუფში მოხვდა, მეტოქეები კი თურქეთის, სერბეთისა და დანიის ნაკრებები იქნებიან.
ელიტ რაუნდის შეხვედრები 20-26 მარტს საქართველოში გაიმართება. ევროპის ჩემპიონატზე მოხვედრას ჯგუფი გამარჯვებულები და 7 საუკეთესო მეორეადგილოსანი გუნდი შეძლებს.
